Galego
  Cereixo
   




Muíño de mareas
                           
    Desembocadura do Río Grande   Estaleiros de Ribeira   Núcleo de Cereixo   Muíño de mareas   Igrexa de Cereixo   Bosque de galería  




Localización

A maneira máis sinxela de chegar ata Cereixo é saíndo do centro de Vimianzo pola estrada que vai ata Camariñas (AC-432). A uns 10 km, na Ponte do Porto (Camariñas) débese virar á esquerda por enriba da ponte que cruza o río Grande. 1 km máis adiante chegaremos ao núcleo de Cereixo (UTM 29T 489775; 4775454).

O Muíño de mareas

O muíño de mareas de Cereixo, chamado tamén muíño das Torres, foi construído no ano 1674. Esta é a data que aparece nun documento de foro outorgado por Juan Taboada Ribadeneira, conde de Taboada e «señor de la Puebla de Cereixo», aos irmáns Andrés e Pedro de Espasantes. No foro cédese terreo para levantar un ou dous muíños no lugar coñecido como «Pozo de Ranas» e a cambio da cesión debían pagar unha renda anual de 6 ferrados de trigo e 2 galiñas.

É o terceiro muíño de mareas en antigüidade dos conservados actualmente en Galicia, despois do muíño de Neda (1609) e o muíño da Seca (1622)en Cambados.Está construído xusto na confluencia do Río de Carnés ou Río Cereixo co río Grande. Aproveitaba tanto a auga do río como a subida da marea que facía mover 3 moas: unha moía trigo e as outras dúas millo. Sempre foi administrado por caseiros ata que en época contemporánea a condesa vendeullo a Eliseo Moreira. En 1967 foi mercado polo coreógrafo José Manuel Rey de Viana.










Inicio | Requisitos técnicos
©2015 Concello de Vimianzo