 |
 |
 |
 |
|
|
 |
Cereixo | |
|
|
|
 |
||
Núcleo de Cereixo
| Desembocadura do Río Grande | Estaleiros de Ribeira | Núcleo de Cereixo | Muíño de mareas | Igrexa de Cereixo | Bosque de galería |
 |
 |
 |
 |
|
|
 |
 |
Localización
A maneira máis sinxela de chegar ata Cereixo é saíndo do centro de Vimianzo pola estrada que vai ata Camariñas (AC-432). A uns 10 km, na Ponte do Porto (Camariñas) débese virar á esquerda por enriba da ponte que cruza o río Grande. 1 km máis adiante chegaremos ao núcleo de Cereixo (UTM 29T 489775; 4775454).
Cereixo
Santiago de Cereixo é a única parroquia no concello de Vimianzo situada na marxe da Ría de Camariñas ou Ría do Porto, como se coñece neste tramo do Río Grande. A mención máis antiga que coñecemos desta poboación é unha viaxe que fai o rei Alfonso IX coa súa corte no ano 1228, probablemente para dotala dunha «carta puebla». Na documentación da época aparece co nome de «Populationem de Seregia». Durante a Idade Moderna o núcleo cítase na documentación como Puebla de Cereixo ou Cereijo e Puerto de Cereijo.
Un conxunto monumental
O núcleo de Cereixo presenta un dos conxuntos arquitectónicos máis interesantes da Terra de Soneira. Moitas das súas casas son construcións de pedra de excelente cantería, que durante a Idade Moderna foron propiedade de familias importantes na zona, algunhas de liñaxe fidalgo, vinculadas aos negocios portuarios, ao cobro de foros ou a administración dos muíños de mareas.
Vila Purificación
Os edificios máis interesantes do núcleo de Cereixo son sen dúbida as Torres de Cereixo e Vila Purificación. Esta última é casa construída a finais do século XVIII que ten unha planta en forma de L e 2 andares. Orixinalmente a parte de abaixo adicábase a almacén e corte e a zona residencial situábase no primeiro andar. Na parte posterior da casa son interesantes as escaleiras cun balaústre de pedra de estilo compostelán e o elemento máis coñecido da vila, o seu impresionante cabazo de pedra.
