Vimianzo. Do mar á terra.

Compartir:

Casa Sabina

Onde comer

  • R/Blanco Rajoy, 25 - 15129 - Vimianzo (A Coruña)
  • 981 716 158

  • e-mail
  • Crema de trigo con froitos do mar e da terra

    Crema de trigo con froitos do mar e da terra

    [RECEITA CASTREXA]
    Ingredientes:

    • 1 presa de mexillóns
    • 1 orella de porco
    • Fariña
    • Auga
    • Sal
    • Alfabaca
    • Caldo de ósos
    ELABORACIÓN:
    Cocer os mexillóns e despois reservalos. Gardar a auga da cocción. Preparar a crema coa fariña, un pouco da auga dos mexillóns e sal.

    Por outra parte, guisar a orella no caldo. Enfriar e prensar. Engadir a alfabaca. Colocar a orella no prato, cubrir coa crema e botar os mexillóns por enriba. Xa está listo para servir.

    Queixo fresco con mel e froitos secos

    Queixo fresco con mel e froitos secos

    [RECEITA CASTREXA]
    Ingredientes:

    • Leite fresco
    • Mel
    • Froitos secos (noces ou améndoas)
    • Sal
    • Callo

    ELABORACIÓN:
    Mesturar o leite fresco cunhas areíñas de sal e o callo, para así elaborar o queixo. Despois bater un anaco de queixo cunhas culleradas de mel e froitos secos. Por último, colocar unhas noces ou améndoas e mel para decorar.

    Garavanzos con peixe de rocha

    Garavanzos con peixe de rocha

    [RECEITA MEDIEVAL]
    Ingredientes:

    • 1 kg de garavanzos
    • 1 kg de peixe de rocha
    • Alfabaca
    • 1 rama de aneto
    • Coandro picado
    • Azafrán
    • Xenxibre
    • Anís
    • Ourego
    • 4 gr de pementa
    • Mel

    ELABORACIÓN:
    Cocer os garavanzos xunto coas diferentes especias (herba doce, aneto, alfabaca, azafrán, xenxibre), todas elas engadidas a media cocción, agás o anís, que se bota ao final e soamente durante 2 minutos.

    Por outra parte, adobar o peixe, sen espiñas, con vinagre, pementa, coandro e un chorriño de mel
    e sal. Deixar arrefriar. Finalmente engadir os anacos de peixe uns minutos antes de rematar a cocción anterior. Xa está listo para servir cos garavanzos.

    Pescada con setas e acelgas

    Pescada con setas e acelgas

    [RECEITA MEDIEVAL]
    Ingredientes:

    • 1 anaco de pescada
    • Pementa
    • Noces
    • Coandro
    • Mel
    • Vinagre  

    ELABORACIÓN:
    Facer a salsa da pescada mesturando vinagre, pementa, noces, coandro e mel. É moi importante calcular ben o equilibrio de mel e vinagre. Reservar.

    Facer a pescada ao vapor, aínda que tamén se pode facer no forno. De escoller esta opción, deberase deixar uns oito minutos a unha temperatura de 85ºC.

    Por outra parte, saltear as acelgas e as setas. Colocar as verduras e as setas no fondo do prato, e poñer por riba a pescada cuberta coa salsa que xa se tiña preparada.