Vimianzo. Do mar á terra.

Compartir:

Os Batáns

Historia

O río Grande, que desemboca na ría de Camariñas, agocha ao seu paso polo lugar do Mosquetín e da parroquia de Salto un dos recunchos con máis beleza do municipio: o Conxunto Etnográfico do Mosquetín, composta por un conxunto de antigos batáns e muíños. A auga desta importante corrente fluvial é o elemento que permitiu o seu funcionamento desde hai máis de 250 anos. Se nos achegamos ata eles podemos comprobar como se trata de 2 sinxelas construcións alongadas feitas en cachotería de pedra e cubertas de tella. No interior atópanse as maquinarias de 7 muíños e 3 batáns.

O edificio norte, o que está máis preto da estrada, divídese en tres estancias diferentes que acollen respectivamente un muíño albeiro, para moer trigo, dous muíños negreiros ou de millo e 3 batáns. O edificio sur, máis próximo ao río, só ten muíños, tamén repartidos en tres espazos. No primeiro estaba un muíño albeiro, so seguinte un muíño de relón e no terceiro dous muíños negreiros.
Dende polo menos o século XVIII e ata 1966 este foi un punto de reunión para moitos veciños que viñan ata aquí a abatanar as súas mantas ou moer o millo e o trigo.
A contorna complétase actualmente cunha área recreativa situada á beira do río, con zonas de sombra e mesas de pedra para uso dos visitantes.

Horarios

Entrada gratuíta

Inverno: 11:00 - 18:00
Pascua: 10:30 - 20:00
Verán (xuño a setembro): 10:00 - 20:00

Visita virtual

Mapa