Vimianzo. Do mar á terra.

Cordeiro de Deus

[RECEITA MEDIEVAL]
Ingredientes:

• Cordeiro
• 1 vaso de viño
• 1 cebola
• 1 cabeza de allos
• Alfabaca
• Ourego
• 1/2 kg de castañas
• 1 porro
• 1 cenoria
• 1 presa de feixóns
• Chícharos

ELABORACIÓN:
Un día antes, limpar ben o cordeiro e deixalo adobado con allo e viño. O día da preparación douralo. Nunha pota engadir o cordeiro coa cebola, o allo, o ourego, a alfabaca e o viño. Logo metelo no forno. Cando estea case cocido, engadir as castañas.  

Aparte facer a guarnición con porro, cenoria, fabas e chícharos. Nunha pota con auga, sal e un pouco de graxa, engadir as verduras picadas. Cando estean cocidas, escórrense. Finalmente, presentar o cordeiro e ao carón, as verduras, cubertas coa salsa do cocemento da carne. Xa está listo para servir.

Torta da Dama

[RECEITA MEDIEVAL]
Ingredientes:

• 1 anaco de pan
• 1/2 litro de leite
• 100 gr de uvas
• 100 gr de manteiga
• 8 ovos
• Mel  

ELABORACIÓN:
Quentar o leite e engadir o pan. Bater os ovos coa mel. Nun cazo derreter a manteiga e engadir os ovos xa batidos. Poñer esta mestura nun recipiente xunto co leite e o pan. Reservar.

Aparte, facer o caramelo con mel e auga, co que se untará un molde para engadir a masa reservada. Posteriormente fervelo dentro de auga ata que estea ben cocido. Servir con nata batida á que se lle engade un pouco de mel, ao gusto.