Vimianzo. Do mar á terra.

Sopa do Castro

[RECEITA CASTREXA]
Ingredientes:

• Caldo de ósos
• Fariña de trigo
• Mexillóns
• Verzas
• Fabas
• Chícharos
• Ovas de ourizo
• Abelás
• Ovos

ELABORACIÓN:
Amasar a fariña de trigo cun pouco do caldo morno e facer un bolo. Cocer no caldo de ósos 25 minutos a lume medio. Cando o bolo leve 10 minutos cocendo engadir as verzas cortadas en xuliana. Cocer 5 minutos e incorporar os chícharos e as fabas e deixar cocer 7 minutos máis. Finalmente incorporar os mexillóns, o ovo e as améndoas tostadas e picadas finas. Cocer 3 minutos máis.

Ensalada de froitas con sopa de leite

[RECEITA CASTREXA]
Ingredientes:

• Uvas
• Moras
• 1 pera
• 1 litro de leite
• Menta  

ELABORACIÓN:
Nun litro de leite cocer entre 5 e 10 minutos e despois deixar arrefriar. Limpar a froita e cortala en anacos. Servir cuberta co leite nunha cunca.

Espetada de troitas

[RECEITA MEDIEVAL]
Ingredientes:

• 400 gr de troitas
• 100 gr de touciño
• 2 culleradas de manteiga
• 1 vaso de caldo

ELABORACIÓN:
Cortar o touciño en anacos finos para fritir. Engadir as troitas. Fritir todo xunto e xa está listo para comer.

Porco doce

[RECEITA MEDIEVAL]
Ingredientes:

• Carne de porco
• 3 culleradas de manteiga
• 2 cebolas
• 2 culleradas de mel
• Uns grans de pementa negra
• 1 cenoria
• 1 cabaza
• 1 vaso de caldo

ELABORACIÓN:
Botar a manteiga e o porco nunha cazola de barro. Deixar dourar e engadir a cebola, a cenoria cortada moi miúda, o mel, a pementa e un vaso de caldo. Cocer lentamente durante unha hora.

Por outra parte cocer a cabaza en anacos, que servirá de acompañamento. Xa está listo para servir.

Castañas cocidas aromatizadas

[RECEITA MEDIEVAL]
Ingredientes:

• 600 gr de castañas
• 1 litro de leite
• Anís
• Menta  

ELABORACIÓN:
En primeiro lugar sacar a pel ás castañas para a continuación metelas nunha cunca cun litro de leite, o anís e a menta. Cocer todo. Servir frías.